Siglir tar il cuntegn

Header

Navigaziun

Harassas e buttiglias sin via suenter in accident
Legenda: Suenter l’accident è la via cuvrida cun harassas e bleras scalgias da las buttiglias rutas. MAD
cuntegn

Surselva In vaira mantun da scalgias

Sin la via da Val S. Pieder hai dà in accident cun in camiun da las auas da Val. Persunas n’èn betg vegnidas blessadas, sco la Polizia chantunala ha ditg ad RTR.

Enturn las 11 charrava in camiun cun harassas vidas d’aua da Val en direcziun Val S. Pieder. En la vischinanza da Tersnaus saja il camiun collidà en in lieu stretg cun in auto da furniziun, sco la polizia ha ditg. Entras la collisiun è la porta davos dal camiun s’averta, e numerusas harassas cun buttiglias vitas èn crudadas sin via.

In dischurden da harassas e buttiglias, entiras e rutas
Legenda: In dischurden da harassas e buttiglias, entiras e rutas. MAD

Per rumir la via da las bleras scalgias da las buttiglias rutas, ha l’Uffizi da construcziun bassa duvrà ina maschina da schubregiar vias. La via da Val è stada serrada durant trais quarts d’ura.

RR novitads 15:00