Siglir tar il cuntegn
Inhalt

Surselva In vagun da tren plain avieuls

Il vagun da tren bajegià enturn mussa il mund dals avieuls. Il project sa numna sin dialect grischun «Grischa Biena uf da Schiena».

In vagun da la viafier Retica cun maletg da fluras apiculturs ed avieuls.
Legenda: Il vagun è bel da mirar ed infurmativ d’entrar. RTR, Linus Livers

La tura cun quest vagun da tren ha entschet ils 3 d'avrigl a Cuira. Il vagun preschenta il mund dals avieuls, ed el maina tras l'entir chantun Grischun, fin ils 22 da settember la davosa staziun ad Arosa.

Cun giugar e tadlar emprendan ils visitaders d'enconuscher ils avieuls. Tut las infurmaziuns en il vagun èn en las trais linguas chantunalas. La lingua preferida pon ils scolars e creschids eleger cun ina batgetta electronica. Medemamain pon ins cun la batgetta clamar giu las infurmaziuns tar mintga maletg e tar las differentas staziuns d’infurmaziun.

Apiculturs indigens mussan e decleran co ch'il vagun è concepì. Ils scolars e las scolaras che visitan il vagun pon zambregiar cun tschaira d’avieuls e differents gusts ina pomada da lefs.

L’idea da quest vagun è da sensibilisar la glieud e surtut ils scolars per la lavur dals avieuls. L’uniun Jungimkerprojekt Flugschnaisa ha ensemen cun la Pro Natura Grischun realisà quest project.

Legende: Video Avieuls sin rodaglias abspielen. Laufzeit 03:16 Minuten.
Or da Telesguard dals 07.03.2017.

RR actualitad 08:00