Siglir tar il cuntegn

Header

cuntegn

Surselva In plazzal gigantic - la surbajegiada «Stenna» a Flem

Las dimensiuns da quai plazzal da lavur fan surstar. 12’000 meters quadrat vegnan surbajegiads, 114 abitaziuns duai quai dar, 1'280 parcadis per l'Arena alva e ver 2'000 meters quadrats per in hotel.

Il pli grond investider è la CS Real Estate Switzerland cun 100 milliuns, la firma Senn SA che ha planisà l'entir object investescha ver 40 milliuns francs. ls ulteriurs investiders èn tranter auter l'Arena alva, che participescha vid la nova chasa da parcar.

Fin l'atun 2018 vegni investì 170 milliuns francs en ina surbajegiada en la Val Stenna entamez il vitg da Flem.

audio
Bunura: Crap da tschentada per center Stenna a Flem
ord Actualitad dals 24.10.2015.
laschar ir. Durada: 3 minutas 37 Secundas.

En il crap da fundament - ch'è vegnì betunà en il venderdi - han ils manaders da project mess en ina chista cun tut ils plans dal bajetg, l'obligata gasetta dal di, in telefonin che era anc funcziun - ed ins ha pudì trametter messadis sin il qual.

La finala ha Reto Gurtner da l'Arena alva anc mess en ina carta dal di ed ina glista da precis actuala. El ha fatg quai cun la remartga, che ils proxims 300 onns vegnia il pli probabel nagin a far diever da quella carta gratuita.

Artitgels legids il pli savens