Siglir tar il cuntegn
cuntegn

Surselva In enviern spezial: Vulps han stgarpà plirs chavriels

En il Grischun han animals da rapina stgarpà quest enviern ca. 250 selvaschinas. Ina gronda part da quellas, 200, èn chavriels.

Ina vulp.
Legenda: Ina vulp a la tschertga da preda. Reuters

Las vulps sajan sa spezialisadas fermamain sin questa chatscha, ha l’inspectur da chatscha chantunal Adrian Arquint ditg ad RTR. Il chavriel patescha il pli fitg sch’i dettia in enviern pli dir. El daventia flaivel e crappa, ubain daventia ina preda ch’ils animals da rapina pon mazzar tgunsch.

Betg mo la vulp

E sa chapescha ch'era lufs e lufs-tscherver han stgarpà selvaschinas. Adrian Arquint sa dad almain 18 tschiervs e plirs chavriels che sajan vegnids stgarpads da lufs.

In luf-tscherver che va a chatscha la notg en la naiv.
Legenda: In luf-tscherver che va a chatscha. gs Ueli Jörimann

Pon ins distinguer, sch'in luf ubain in luf-tscherver ha stgarpà ina selvaschina?

I dettia indizis, di l'inspectur da chatscha chantunal. Il luf-tscherver maglia mo la charn, il luf maglia la charn e sfratga era anc l’ossa. Ins vesia vid ils dents, da tge animal da rapina ch’i sa tractia. E la finala possia ins era far in test da DNA. Ins na possia dentant betg constatar exact, quants lufs ch'hajan stgarpà la selvaschina.

Dumber d'animals stgarpads davent schaner enfin mars 2018


luf-tschervervulpluf
chamutschs2
3
0
tschiervs2
0
7
chavriels6
108
12
total
1211119

Chatscha è necessaria

La natira regulescha damai er sezza la situaziun da selvaschina. Il dumber ch'ils animals da rapina han stgarpà na tanscha tenor Adrian Arquint dentant betg. La chatscha saja vinavant necessaria per stabilisar il dumber da tschiervs e chavriels.

RR actualitad 12:00