Siglir tar il cuntegn
Inhalt

Surselva In ascensur cun fraid ils pes

L’ascensur da la chasa da parcar da l’ospital regiunal Surselva a Glion aveva problems cun temperaturas bassas. Lura na funcziunava l'ascensur betg pli.

L'ascensur da la chasa da parcar da l'ospital regiunal Surselva a Glion.
Legenda: Accessibel mo sur 0° – l'ascensur da la chasa da parcar da l'ospital regiunal Surselva a Glion. montascha RTR

Curt avant Nadal 2016 è vegnì inaugurà l’ascensur da la chasa da parcar che sa chatta sut l’ospital regiunal Surselva a Glion. Enfin lura stuevan visitaders e pazients, che vegnivan cun l’auto, ir pliras auzadas da stgala si fin l’entrada dal’ospital.

L'ascensur nov era ina buna chaussa, ch'è er vegnida appreziada.

L'ascensur sa chatta gist visavis l'entrada principala da l'ospital.
Legenda: L'ascensur sa chatta gist visavis l'entrada principala da l'ospital. RTR / Carlo Albin
Marcus Caduff, il directur da l'ospital regiunal Surselva a Glion.
Legenda: Marcus Caduff, directur da l'ospital regiunal Surselva. mad

Ascensur ha gì problems cun temperaturas bassas

Curt suenter si'avertura ha quai gia dà problems cun l’ascensur. Il modul da controlla n’era betg isolà bain avunda e na funcziunava betg, sche las temperaturas crudavan memia bass.

Tenor il directur da l’ospital, Marcus Caduff, han ils responsabels identifitgà quest problem il cumenzament da schaner. Els hajan decidì d’isolar meglier il modul da controlla per evitar il problem. Da furnir il material da reparatura a Glion haja dentant durà 10 dis, uschia che l’ascensur na saja betg stà en funcziun durant quest temp.

Uss saja la reparatura dentant fatga e l’ascensur funcziunia puspè senza problems. La reparatura haja custà in pèr tschient francs.

RR actualitad 08:00