Siglir tar il cuntegn

Header

cuntegn

Impressiuns dal vitg Ina tura tras Rueun

Michael Cavigelli ha 86 onns e viva a Rueun. El era pli baud scolast ed anteriur president da vischnanca. Nus avain accumpagnà el en ses lieus preferids e spezials dal vitg.

La chasa da scola veglia

Sco anteriur scolast è la scola da Rueun in lieu tut spezial per Michael Cavigelli. Cun la scola collia el bleras bellas regurdientschas. Anc ussa ha Rueun ina scola primara. La scola superiura è ida a Glion avant intgins onns. En il bajetg da la chasa da scola veglia ha Corin Curschellas endrizzà ina stanza per far musica e las stanzas sisum vegnan nizzegiadas d'uniuns.

audio
Rueun: Michael Cavigelli raquinta dal svilup da la scola en il vitg
ord Actualitad dals 01.07.2020.
laschar ir. Durada: 5 minutas 7 Secundas.

Posta, banca, stizun, ustarias – tut è vid

Pli baud devi a Rueun 5 ustarias, in Volg, ina banca ed ina posta. Be ina ustaria datti anc a Rueun. Michael Cavigelli raquinta nua ch'ils da Rueun s'entaupan e tge ch'è chapità cun ils bajetgs vits.

audio
Rueun: Michael Cavigelli raquinta da la muria dal vitg
ord Actualitad dals 01.07.2020.
laschar ir. Durada: 4 minutas 54 Secundas.

Las chasas veglias ed ir cun skis a Rueun

Gest en la vischinanza davos baselgia sa chattan duas chasas fitg spezialas. Ina è gia visibla davent da la via principala. L'uschenumnada Chasa alva. La segunda è gist vis a vis la baselgia. Michael Cavigelli ha dentant era bler auter interessant da raquintar da quest quartier. Ma – tadlai sez:

audio
Rueun: La Chas'alva è ina da las pli veglias dal vitg
ord Actualitad dals 01.07.2020.
laschar ir. Durada: 6 minutas 23 Secundas.

E grazia a l'auditura Rosmarie Brenn avain nus perfin chattà ina carta postala da quest runal da skis.

RTR actualitad 11:00

Artitgels legids il pli savens