Siglir tar il cuntegn

Header

cuntegn

Surselva Impressaris da la Surselva betg en mira da la WEKO

Impressaris da la Surselva n'èn fin uss betg vegnids menziunads da la cumissiun da concurrenza en connex cun las examinaziuns davart cunvegnas da pretschs. Gnervus èn els tuttina.

La cumissiun da concurrenza (WEKO) ha procurà ils davos mais per blera inquietezza tar ils impressaris dal Grischun. Suenter las sentenzias encunter interpresas da l'Engiadina tut che sa dumandava, tgi che saja la proxima interpresa en mira da la WEKO. Ils impressaris da la Surselva èn enfin uss anc betg vegnì menziunads en connex cun retschertgas da la WEKO. Tuttina han quellas inquisiziuns gì in effect sin ils impressaris sursilvans.

audio
Bunura: Impressaris Surselva – Fin uss betg cumpiglià cas Weko
ord Actualitad dals 26.03.2018.
laschar ir. Durada: 2 minutas 17 Secundas.

Tenor il president da la secziun Surselva da l'uniun d'impressaris Daniel Blumenthal sajan ils impressaris sursilvans adina sa tegnids vid las leschas – cunzunt la lescha federala davart cartels e sumegliantas organisaziuns. Perquai n'hajan els era betg tema che la WEKO chattia irregularitads, gnervus sajan els tuttina. Ils impressaris gughegian per il mument strusch da discurrer in cun l'auter, quai ord spir tema ch'ins possia pensar ch'els discurrian sur da pretschs.

EeRR actualitad 07:00

Artitgels legids il pli savens