Siglir tar il cuntegn
Inhalt

Surselva Ils purs da bio profiteschan da buns pretschs

Var 40 purs e puras en sa scuntrads a Siat sin il bain puril Arca a Siat. Els han discurrì sur da tut las chaussas che fan quitads.

Cun ils purs da bio vai bain, quai è sta in resun a la maisa radunda tar ils «Bio purs Surselva». Sch'els giavischan midadas è quai mo cosmetica e franc betg midadas fundamentalas. Ils pretschs da latg e da la charn da bio en pli auts che tar ils manaschis convenziunals. Quai possia declerar in zichel la tendenza ch'i dettia adina dapli manaschis da bio, uschia ha Claudio Gregori il president da Bio Grischun infurmà.

Il trend da far producziun da Bio crescha ad in crescher. En il Grischun en ussa 60% dals manaschis purils bio, en Svizra en quai 14%.

Bio Grischun s’empatscha da ses commembers

L’uniun Bio purs Surselva ha envidà a la radunanza generala, Bio Grischun ha prendì la chaschun per organisar ina maisa radunda cun ils purs da bio da la Surselva. Var 40 purs e puras en sa scuntrads a Siat sin il bain puril Arca. Els han discurrì sur da tut las chaussas che fan quitads.

  1. Dovri dapli reclama davart il Bio grischun
  2. Avrir ils cunfins per products agriculs
  3. Novas limitas per pavel curt
  4. Coordinaziun da controllas
  5. La birocrazia
  6. Las lavazzas
  7. Co sa ins posiziunar meglier ils products da Bio ella gastronomia

La maisa radunda na dat betg sin tut respostas, be ella porscha agid ed in bun sentiment perquai ch'ins senta ch’ins e betg sulet. E gist quai saja in dals intents da questas maisas radunda, manegia Claudio Gregori.

RR actualitad 11:00