Avant 100 onns (13-03-1917) è Nossadunna cumparida a Fátima en il Portugal als trais pasturs Luzia, Jazinta, Francisco.
A Portugal è la Nossadunna da Fátima da gronda impurtanza. Ins po dir che mintga cartent dal Portugal visita la citad da Fátima per venerar Nossadunna.
Ils Portugais ch'èn en Svizra han lur atgnas modas, co venerar la Nossadunna. A Glion datti quest onn dus dis festa per il 100avel onn dapi che Nossadunna è cumparida.
La festa vegn organisada da la missiun catolica portugaisa da Glion.
- Sonda saira maina la processiun ils cartents davent da la scola da Glion vers la baselgia catolica entamez la citad. Silsuenter datti ina festa cun tratgas da peschs tipicas portugaisas.
La dumengia va la festa vinavant cun ina messa en lingua portugaisa ed ina processiun en la citad da Glion.
La dumengia suentermezdi datti producziuns da differentas gruppas da chant e saut. A la festa portugaisa è envidà tut tgi che venerescha Nossadunna da Fátima.
«… sco il Vatican per ils Talians»
La giuvna Sandra Araujo dal comité d’organisaziun ha manegià che Nossadunna da Fátima saja per ils Portugais sco il Vatican per ils Talians.
RR actualitad 07:00