Instructurs ed il schef dal cader alpin Ezio Crameri han accumpagnà els.
Quest’emna èn els stads en la Cadi: ina part dal curs d'enviern en muntogna è en connex cun turas da skis, in’autra cun accidents sin pista. En il territori da skis da Mustér han els simulà in accident sin pista. E là è er il procuratur public Patrick Bergamin stà preschent. Il motiv ch’er in procuratur public vegn sin il plaz, è sch’i dat persunas grev blessadas ubain morts.