Siglir tar il cuntegn
Inhalt

Surselva Ils peschs ston ord il lai da fermada Zervreila

Per pudair far las lavurs da sanaziun vid ils indrizs da segirezza dal mir da fermada vegn il livel dal lai sbassà e la surfatscha sa reducescha sin bun 10% da la surfatscha normala.

Il lai da Zervreila è quasi vid.
Legenda: Il lai da Zervreila è quasi vid. RTR, Carlo Albin

Per reducir il dumber da peschs en il lai da fermada Zervreila èn vegnidas instradadas differentas mesiras. Uschia ha l’Uffizi da chatscha e pestga decidì gia la stad passada da dar liber la pestga en il lai. I na dat betg pli limitas da grondezza u dal dumber da peschs ch'ins dastga pigliar per di.

Era na vegn betg pli mess en stadivas en il lai - fin il 2013 eran quai anc tranter 5’000 e 20’000 peschs per onn.

Impressiuns da l'emprima pestgada cun rait dal november 2016.
Legenda: Impressiuns da l'emprima pestgada cun rait dal november 2016. Ovras Electricas Zervreila

Pestga cun rait

Era las Ovras Electricas Zervreila (OEZ) hajan fatg emprovas da pestgar ils peschs cun raits, sco il maina project Hans-Peter Capatt raquinta. Experts stiman ch’i dettia 2 fin 3 tonnas peschs en il lai, litgivas e salmelins.

Fin avrigl u entschatta matg haja in pestgader professiunal piglià cun raits 200 kg peschs, bler pli pauc che quintà. Tenor il pestgader sajan ils peschs anc fitg ruassaivels e na sa movian betg. L'october u november 2017 vulan las OEZ perquai anc empruvar ina giada da pigliar peschs cun ina rait.

L'emprima emprova l'entschatta matg:

Legende: Video Pestga cun raits e bartga en il lai da Zervreila abspielen. Laufzeit 04:26 Minuten.
Or da Telesguard dals 05.05.2017.

RR actualitad 12:00