Ils novs biros da la Lia Rumantscha sa repartan sin la Casa Gronda e la chasa Lutta, omaduas chasas istoricas da la citad da Glion. L’accoglientscha e plirs biros sa chattan (ensemen cun ils biros da la «In Plus», ina societad affiliada da la Lia) en la chasa Lutta, en las localitads d’ina anteriura butia. Ulteriurs plazs da lavur ed ina sala da conferenza sa chattan en la sala pitschna da la Casa Gronda.
Anteriura sala da festa
La sala pitschna era oriundamain la sala da festa da la Casa Gronda. Ed era la Lia Rumantscha vul utilisar la saletta per organisar eveniments sco p.ex. preschentaziuns, curs da lingua ni era sairas culturalas. Quai fiss bunamain ina tradiziun, perquai che la sala è durant sia istorgia betg mo vegnida duvrada per far festa, in temp era ella il magasin d’ina bieraria locala. Las dimensiuns da la sala pitschna lubeschan da beneventar gruppas fin circa 40 persunas.
RR actualitad 07:00