Siglir tar il cuntegn

Header

audio
La preschentaziun dal cudesch «Lufs en Svizra»
Or da Actualitad dals 10.11.2022.
laschar ir. Durada: 6 minutas 38 Secundas.
cuntegn

Ils lufs midan la societad «Lufs en Svizra- in return cun consequenzas» – in cudesch declera

Ils auturs Elisa Frank e Nikolaus Heinzer han perscrutà la preschientscha dals lufs en svizra davent dals onns 1995 enfin l'onn 2001. Il cudesch è la lavur da dissertaziun ch'els han elavurà sco lavur per doctorar. Il cudesch declera nagut da la biologia dals lufs. Perscrutà han ils auturs sulet, co la preschientscha dals lufs ha midà la societad en quels bun 25 onns dapi ch'els èn returnads en Svizra.

In cudesch senza emoziuns

Cun il return suenter blers onns d'absenza, han ils lufs procurà per grondas irritaziuns tar l'agricultura da muntogna. Enfin oz èn las discussiuns cuntraversas cura ch'i va per la dumonda co ir enturn cun ils repatriads, cura ch'igl è da intervegnir en la populaziun da lufs e tge ch'ina protecziun da muntaneras effectiva è. Cunzunt perquai ch'i dat actual en Svizra prest 200 lufs e 20 trieps da lufs e perquai che quels sa derasan pli e pli fitg, era en la bassa. Il luf polarisescha.

Ils auturs han discutà cun survegliaders da chatscha, uffizis spezialisads, autoritads federalas e chantunalas e cun persunas da l'agricultura. Il cudesch sclerescha ils fatgs e las emoziuns cura ch'i va per la convivenza tranter uman, animals da niz e luf. Il cudesch emprova uschia da far chapir meglier ils conflicts ch'i dat pervia dal luf.

RTR actualitad 17:00

Artitgels legids il pli savens