Siglir tar il cuntegn

Header

Navigaziun

La suprastanza da la secziun Surselva dals impressaris da construcziun cun Andreas Felix, il manader da fatschenta da l'uniun chantunala (dretg).
Legenda: La suprastanza da la secziun Surselva dals impressaris da construcziun. RTR, H. Giger
cuntegn

Surselva Ils impressaris da la Surselva fan quitads

2014 è stà in bun onn da lavur. Quai ha il president da la secziun Surselva dals impressaris da construcziun Daniel Blumenthal ditg a la radunanza generala. E quest onn profiteschian ils impressaris anc da las ultimas abitaziuns secundaras che vegnian bajegiadas.

2016 vegnian els a sentir grondamain la digren. Quai conferma per exempel era Curdin Derungs da la firma Savoldelli Tanno. Els quintian ch’els stoppian relaschar lavurers.

En questa situaziun è l’agid dal chantun, respectiv da l’uffizi da construcziun bassa, bainvegnì. Sco Reto Knuchel di, investescha il chantun quest onn 48,7 milliuns francs en vias, punts e tunnels en Surselva.

In auter problem che fatschenta ils impressaris è la mancanza d'emprendists. L'onn passà avevan las firmas sursilvanas anc 35 emprendists, uss mo anc 17.

Radunanza generala dals impressaris da la Surselva a Vella.
Legenda: Radunanza generala dals impressaris da la Surselva a Vella. RTR/hg

Novas structuras

Las structuras da l'uniun grischuna dals impressaris da construncziun vegnan midadas. Las 8 secziuns vegnan schliadas. En il futur datti anc quatter regiuns: Grischun dal sid, Grischun central, Surselva e Grischun dal nord.Tar la regiun Surselva tutga era Flem.