Siglir tar il cuntegn

Header

Navigaziun

Filmon, Fithawi ed Ablel (da sen.)
Legenda: Filmon, Fithawi ed Ablel (da sen.) RTR, H. Giger
cuntegn

Surselva Ils emprims requirents d’asil en arrivads en l’Albertushof

12-14 giuvenils minorens vegnan en l’Albertushof a Glion. Ils emprims trais giuvens èn arrivads mardis saira.

Ablel e Fithawi han 15 onns, Filmon 17 onns ed els èn cristian-ortodoxs. Els eran stas intgins mais en il center da transit a Tavau, e perquai ch’els han survegnì la lubientscha da star en Svizra pon els prender dimora en l’Albertushof. Là ston els far tschertas lavurs en ed enturn chasa, ir a scola (fin 16 onns en il center d’asil a Schluein e suenter a Cazas) e la finala emprender ina professiun.

Il center d'asil per requirents minorens.
Legenda: Il center d'asil per requirents minorens. RTR

Integrar ils giuvenils en nossa societad

In team da 4 umens e 2 dunnas da la Casa Depuoz èn engaschads en il center d’asil Albertushof (il manader è Gieri Duff). Els accumpognan e survigileschan ils giuvenils durant 24 uras ed era sondas e dumengias.
La finamira saja d’integrar els en nossa societad. Impurtant saja era ch’els emprendian
d’enconuscher nossa cultura, di Gieri Duff.
Ina ulteriura incumbensa saja era stgaffir confidenza tranter il team ed ils giuvenils.