Siglir tar il cuntegn

Header

Navigaziun

Legenda: Guardar il video Il emprims 20 requirents pon vegnir. Durada 02:22 minutas.
Or da Telesguard dals 12.01.2015.
cuntegn

Surselva Ils emprims 20 requirents pon vegnir

Il center da requirents d'asil a Laax en l' anteriur hotel Rustico po vegnir avert l'entschatta favrer. Var 100 persunas han plaz en quai center. Il chantun sa prepara dentant gia sin la proxima unda da requirents d'asil.

Il center a Laax vegn preparà quests dis per retschaiver ils emprims requirents d’asil. I dovra novs cundrizs da segirtad per alarm da fieu e las mobiglias vegnan midadas ora. Enstagl da stanzas da duas persunas vegn fatg stanzas da 4 fin 6 persunas en il hotel Rustico. Il chantun quinta cun investiziuns da 80’000 francs.

Nova unda da requirents

La Svizra quinta cun varga 30'000 dumondas per asil per l'onn 2015. Quai munta ch' il chantun Grischun sto porscher plaz per radund 800 persunas. Sco quai che Marcel Suter il manader da l' uffizi da polizia e stadi civil di, haja il chantun gia en mira novas localitads. Da tge localitads che quai sa tracta n'ha Suter betg tradì.