Siglir tar il cuntegn

Surselva Il tschess barbet Noel–Leya sgola puspè en Surselva

Suenter che Noel-Leya è sa revegnì a Goldau sgola el puspè per las muntognas enturn.

In tschess barbet che sgola
Legenda: Il tschess barbet Noel-Leya è puspè ferm avunda per sgular en la natira. mad

La stad 2014 è il giuven tschess barbet Noel-Leya sgulà per l’emprima giada e quai en la val Calfeisen en il chantun da Son Gagl. L’enviern n’ha dentant betg fatg bain al giuven tschess barbet.

L’organisaziun Pro Girun ha puspè stuì pigliar Noel - Leya ed el ha passentà in temp a Goldau nua ch’el è sa revegnì. Quels dis han ins danovamain laschà liber el en la regiun dal pass Alpsu.

En Svizra vegn il tschess barbet puspè recolonisà dapi l’onn 1991. L’entschatta è stada en il parc naziunal svizzer en l’Engiadina Bassa.