Sin in program 2016 da l’uniun è tranter auter la Biennale a Sagogn dals 15 e 16 d’october. I sa tracta da teater d’amaturs en quatter linguatgs. Sco la presidenta dal comité d’organisaziun Martina Beeli ha ditg a la radunanza èsi previs da preschentar 8 tocs da teater. In auter eveniment è il champ d’uffants e da giuvenils dals 16. – 22.10.2016 a Bravuogn.
La situaziun dal teater popular en il Grischun è fitg buna
Sco Manfred Veraguth saja sia finamira da tegnair ensemen las trais regiuns linguisticas en il Grischun e da esser qua per tut quels che dovran agid da l’uniun. Impurtant saja ch’i vegnia fatg vinavant ina massa teater en il Grischun. La situaziun dal teater popular en il grischun saja fitg buna. Il mument dettia bleras uniuns e bleras persunas che sajan activas. In svilup positiv constatescha el era tar uffants e giuvenils. El na veglia betg discutar da qualitad, impurtant saja ch’il teater popular saja ina tribuna per persunas che han plaschair da far teater.