Siglir tar il cuntegn
Inhalt

Surselva Il Städtlifest carmala blera glieud

Per l’emprim di da festa dovri giaccas chaudas e forsa perfin in paraplievgia. Mo per far festa è star da chaud e stretg forsa il meglier.

Legende: Video Preparaziun per il Städtlifest a Glion abspielen. Laufzeit 01:53 Minuten.
Or da sil punct dals 05.08.2016.

Ils proxims dus dis stat Glion en il center da la Surselva, quai grazia al Städtlifest che carmala onn per onn passa 10'000 visitaders. Sco mintg’onn datti era quest onn las purschidas culinaricas grischuna fin exoticas. Ils uffants vegnan divertids e per ils creschids cuzza la festa fin en la notg.

La dumonda tge ch’è il punct culminant da la festa da Glion saja simpla da respunder, di Armin Spescha dal comité d’organisaziun. Quai saja la festa sezza. Il Städtlifest a Glion daventia era pli e pli fitg ina festa Sursilvana, perquai ch’i dovra glieud da tut ils vitgs per rabitschar ensemen passa 10’000 visitaders, uschia Spescha.