Siglir tar il cuntegn

Surselva Il rempar da lavinas a Mustér vegn engrondì

La regenza ha approvà in project da la vischnanca da Mustér per engrondir il rempar da lavinas Val Clavaniev e garantescha per quest intent ina contribuziun da maximalmain 397'500 francs.

Rempar da lavinas.
Legenda: Il rempar da lavinas a Mustér po vegnir engrondì . MAD

Il rempar da lavinas ch'exista en il nordvest dal territori communal protegia parts da l'abitadi da Clavaniev. En il rom da las inspecziuns annualas èsi vegnì constatà ch'ina gronda part da las plantas emplantadas tranter ils rempars temporars dals territoris parzials Plaun Tir e Val Mala è morta u na sa sviluppa betg bain.

Garantir la protecziun

Mesiras tecnicas duain ussa garantir la protecziun dal territori d'abitadi fin ch'il guaud po ademplir sia funcziun da protecziun. Per quest intent vegnan construids stgalims sin ina lunghezza da circa dus kilometers che duain reducir la pressiun dal terren sin quest territori. Plinavant duain 400 chavalluts da trais chommas e novas emplantaziuns proteger quest territori.

RR novitads 10:00