Siglir tar il cuntegn

Header

cuntegn

Surselva Il pli aut Grischun è vegnì festivà a Laax

Gronda festa oz a Laax - la vischnaunca ha beneventà il nov elegì president dal cussegl grond Vitus Dermont.

Il deputà da Laax cristiandemocrat è per in onn il pli aut Grischun. Il di da festa a Laax è stà ina sentupada per tuts: la politica, ils indigens - e tranter tuts er ils requirents d'asil da l'anteriur hotel Rustico

Al cumenzament da la sessiun dal cussegl grond era Vitus Dermont vegnì elegì cun 109 da 110 vuschs valaivlas. El surpiglia per in onn il titel sco pli aut grischun e sco successur da Duri Campell (PBD). Il vice-president dal cussegl grond è Michael Pfäffli da San Murezzan (PLD).

Terminà la part uffiziala

La sessiun d'avust è ida a fin la sonda bunura. Durant 3 dis han deputadas e deputads tranter auter concedì in credit dad 86 milliuns francs per la nova praschun a Realta, augmentà il dumber da derschaders chantunals da 5 sin 6 e dà glisch verda a la nova lescha per la promoziun economica. La revisiun parziala a la lescha d'impostas vegn spustada sin la sessiun d'october.

Artitgels legids il pli savens