Siglir tar il cuntegn
Inhalt

Surselva Il musical Mamma Mia na po betg vegnir preschentà

L'Uniun Musical Surselva aveva planisà da preschentar il 2018 il musical Mamma Mia cun giuvnas acturas e giuvens acturs indigens. Ella n’ha dentant betg survegnì ils dretgs per il musical.

Talas scenas na vegni betg a dar en Lumnezia (maletg d'in musical «Mamma Mia»).
Legenda: Talas scenas na vegni betg a dar en Lumnezia (maletg d'in musical «Mamma Mia»). Keystone

Tenor ina communicaziun da l’Uniun Musical Surselva n’han las contractivas cun l’agentura internaziunala responsabla per ils dretgs dal musical Mamma Mia da la gruppa svedaisa ABBA betg gì success. L’argumentaziun da l’agentura internaziunala è ch’ì dettia gia avunda preschentaziuns da quest musical.

Uss vegn preschentà in auter musical

Tenor il president da l’uniun Daniel Blumenthal, tschertgan els uss in’auter musical per preschentar quel l’onn proxim. Temp avunda hajan els anc, ha ditg Blumenthal. Ed era las preparativas gia fatgas per Mamma Mia na sajan betg stadas per il giat. Uschia possia el s’imaginar, ch’ina part da las acturas ed acturs ch’els hajan gia selecziunà il matg passà, vegnian era a survegnir ina rolla en il nov musical. Tge musical che quai è vul Daniel Blumenthal dentant pir communitgar cura ch’era ils contracts per ils dretgs da preschentar quest musical èn suttascrits.

RR actualitad 17:00