Il festival ch'ha lieu sin il Plaun a Flem vegn organisà ils 15 da fanadur 2017 enstagl dals 31 da fanadur. Sco quai ch'ils organisaturs scrivan, saja il motiv per spustar il termin dal festival che l'Open Air Flumserberg - in autr'occurenza da schlagher - haja er lieu ils 31 da fanadur.
Perquai ch'els vulan ch'ils fans da schlagher possian visitar tuttas duas occurenzas, hajan els spustà il termin. Ils bigliets gia cumprads mantegnan lur valaivladad u dastgan vegnir returnads.
Questa stad è vegnì communitgà ch'il festival da schlagher al Flumserberg mida da Flums a Flem e sa numna da nov «Der Berg bebt».
RR novitads 17:00