audio
Bunura: Flem Cassons - davos di da la pendiculara
ord Actualitad dals 26.10.2015.
laschar ir. Durada: 4 minutas 11 Secundas.
La Pro Cassons n’ha betg resignà cumplettamain: l’Uffizi da cultura federal, che ha da decider sur da stgarpar giu la pendiculara, è la davosa speranza per els. La pendiculara da Cassons pudess uschia daventar in monument cultural cun status da protecziun.
Legenda:
Hans Sutter, il president da la Pro Cassons, sin ses davos viadi cun la pendiculara da Cassons.
RTR, L.Livers
Il viadi a Cassons entschaiva a Flem cun la sutgera che maina fin si Foppa. Davent da là va la proxima sutgera vinavant fin si Naraus; Naraus-Cassons è la finala il viadi da la cabina da Cassons.
La cabina da Cassons è ina cabina cun plaz per 27 persunas. Cun quella capacitad èsi pussaivel da transportar 220 persunas per ura sin il con da Cassons.
La pendiculara da Cassons è la pli veglia pendiculara svizra ch’è anc en funcziun. A partir dal glindesdi ston ins dir: che era anc en funcziun.