Siglir tar il cuntegn

Header

cuntegn

Surselva Il crap Cuvel a Fidaz resta stabil

L'onn 2014 smanatschava in crappun da 500 m³ da crudar or dal grip sur Fidaz. Ils davos onns è el dentant puspè vegnì pli plaun.

Il grip sur Fidaz/Flem è instabil. Adina puspè croda crappa or dal grip sin la plaunca sur il vitg. Perquai vegnan era quatter blocs pli gronds ch'èn en moviment survegliads dapi l'onn 2007. Il november 2014 è il pitschen da quels blocs - in crap da var 500 m³ - cupitgà e tut che quintava che quel crodia uss lura sur il grip giu. Schabegià n'è dentant nagut. Il bloc è puspè daventà pli plaun e sa ruschna mo pli in per millimeters per onn.

audio
Crap cuvel a Fidaz ruschna be in pér mm per onn
ord Actualitad dals 21.02.2018.
laschar ir. Durada: 2 minutas 57 Secundas.

I po durar plirs decennis enfin ch'il crap croda

Tenor il geolog responsabel Ruedi Münger possia anc durar plirs decennis enfin ch'il crap crodia. El na crai era betg, che la massa naiv da l'enviern 2017/18 haja la primavaira ina gronda influenza sin la spertadad dal crap. Per il mument na possia perquai nagin dir, cura che quai crappun vegnia a crudar. Quai possia esser damaun, ma era pir en diesch onns.

RR actualitad 17:00

Artitgels legids il pli savens