Il coiffeur dal center transitoric per requirents d'asil

Samuel Jambo è in dals requirents d'asil a Laax el Rustico. Il giuven um da 22 onns, oriunds da l'Eritrea, ha emprendì da coiffeur e taglia ils chavels als auters requirents el center.

Laschar ir video «Il coiffeur da l'Eritrea pudess senz'auter era lavurar tar nus»

Il coiffeur da l'Eritrea pudess senz'auter era lavurar tar nus

3:55 min, Actualitad video dals 28.3.2015

Samuel Jambo ha anc mai lavurà sco coiffeur ordaifer l'Eritrea. Sche pussaivel, vul el lavurar vinavant sco coiffeur era en Svizra. Per chattar differenzas tranter coiffeurs en l'Eritrea ed en Svizra, ha RTR accumpagnà el tar Clau Wieland, ch'è coiffeur a Mustér.

Differentas tecnicas

Suenter avair mussà in a l’auter co els taglian chavels, han els constatà pliras differenzas. Els han autras tecnicas da lavurar ed era las maschinas vegnan duvradas en differentas modas. Dentant è per omadus cler, coiffeur resta coiffeur. I na importa betg, en tge regiun dal mund ch’ins taglia chavels.