Siglir tar il cuntegn
Inhalt

Surselva Il chorical – in toc tut aparti

Davent als 14 enfin ils 17 da matg ha lieu a Mustér il 5avel festival Svizzer per chors d'uffants e giuvenils. In dals puncts culminants da quai festival è la sonda saira. Lura chantan tut ils chors ensemen in "chorical", in musical per chors.

Christian Klucker en chamischa naira che mussa il plan, cura tge chor ha da chantar ses toc dal chorical.
Legenda: Christian Klucker, il responsabel per il chorical. RTR, C. Albin

Il toc cun il num "La melodia absoluta" è vegnì cumponì spezialmain per il festival. Tut ils 36 chors chantan ensemen, quai vul dir pli che 1'000 uffants e giuvenils sin tribuna. Ina sfida tut speziala per ils chors sco era per ils dirigents.

Il plan dal chorical cura che tge chor ha da chantar ses toc.
Legenda: Il plan dal chorical cura che tge chor ha da chantar ses toc. RTR, C. Albin

Il chorical raquinta l'istorgia da Ursina, ina mattetta rumantscha da Mustér. Durant ina spassegiada chatta ella in crap cun segns nunenconuschents. Ella scuvra che quai è ina part d'ina melodia mistica e cumenza a tschertgar las autras parts da la chanzun. Il concert è la sonda saira, ils 16 da matg a las 19.30 uras en il center da sport e cultura a Mustér.