Siglir tar il cuntegn

Header

Ignaz Cathomen avant sia chasa a Falera
Legenda: Ignaz Cathomen avant sia chasa a Falera RTR, H. Giger
cuntegn

Surselva Ignaz Cathomen: Nus dependain da l’Arena Alva

«Falera – Unser Leben hängt an einem Seil», uschè sa numna il cudesch dad Ignaz Cathomen. Sonda, ils 5 da november, è la vernissascha a las 16:00 en la Fermata a Falera.

Idea da Markus Maeder

Scrit il cudesch ha il schurnalist dalla Neue Zürcher Zeitung Markus Maeder. Quel haja era gì l’idea da scriver el, di Ignaz Cathomen. Maeder aveva collavurà per il cudesch da l’Arena Alva (ch’è cumparì 2012); ed alura veva dumandà infurmaziuns ed intimà suenter Cathomen da publitgar in cudesch. El haja raquintà sias istorgias, mo la finala haja quai dà blera lavur cun curreger e redeger.

Raquint persunal

Mia vita penda vid ina suga cumpiglia 240 paginas cun quatter chapitels e pliras fotografias. El vegn edì en 1500 exemplars. En quest cudesch raquinta Ignaz Cathomen da sia vita e dal svilup dal vitg e da la regiun. Sco el di haja Falera profità dal svilup en connex cun l’Arena Alva.

Il temp d'uffanza fin il sguard en las stailas

Il cudesch cumenza cun l’uffanza (ina part da quella e da sia giuventetgna veva il raquintader gia scrit sco concept a la scola chantunala cun il titel: Mes curs da la vita) e va a fin cun descriver il vitg da Falera sco el sa preschenta oz e cun in sguard en las stailas.

RR actualitad 08:00