Siglir tar il cuntegn
Inhalt

Surselva I-CAMPs: scolaziun d'informatica voluntaria

La scolaziun d'informatica voluntaria per uffants da 9-15 onns, sin plirs nivels a Flem.

I-CAMP vegn purschì la proxima stad a Flem per 60 scolars e scolaras en la vegliadetgna da 9 fin 15 onns. Davent dals 20 da schaner 2018 pon ins s’annunziar. Ils organisaturs quintan ch'ils plazs pudessan esser occupads spert. La purschida duai esser per tut ils uffants da l'entira Svizra ch'han interess per l’informatica.

Il camp porscha structuras dal di, la notg turnan ils uffants a chasa quai che limiteschia sa chapescha la pussaivladad da sa participar. Emprender pon ils uffants da programmar. Ina giada vegn quai ad esser cun X-LOGO, la tartaruga digitala che sa mova. Lura il segund program il CALLIOPE. Là po vegnir programmà funcziuns per maschinas e roboters.

Collavuraziun grischuna cun Turitg

La Scol'auta da pedagogia dal Grischun, la ETH da Turitg e la scola da Flem porschan quest camp d'informatica. Il I-CAMPs en questa furma datti per l’emprima giada en il Grischun. Ils students e scolasts da la Scol'auta da pedagogia dal Grischun èn responsabels per l’instrucziun. Els sezs vegnan instruids da la ETH. I saja ina situaziun che porschia per tuts mo avantatgs, ha manegià Gian-Paolo Curcio il rectur da la Scol'auta da pedagogia dal Grischun.

RR actualitad 17:00