Quai ha era gì consequenzas per intgins hotels ed ustarias sisum la Surselva. Uschia han per exempel l’hotel Cresta a Dieni ed il Piz Calmot si il pass da l’Alpsura gì ina sperdita da 60-70%. E quests manaschis han stuì reducir il persunal.
Era blers hoteliers ed ustiers a Sedrun han sentì che la via tras il chantun Uri è stada serrada. Per mitigiar la situaziun en Tujetsch ha il president communal dumandà il chantun d’introducir lavur curta.
Era champadis han gì difficultads
Mo era la parahotellaria, sco per exempel ils campadis han gì pli paucs giasts. Il zercladur saja stà in mais flaivel, ha Renata Gadola che maina il campadi Mustér a Fontanivas ditg a RTR. In motiv saja la mal'aura, in’auter l’incap en la chavorgia da la Scalina.