La firma Innoinvest SA cun Rolf Traxler al timun n’è betg la suletta firma che ha interess vi da quai plaz da bajegiar. Perquai ha la vischnanca pretendì, che sin la fin da quest onn stoppia la Innoninvest mussar resultats concrets, pia preschentar in investider per quest project.
Rolf Traxler senta quest squitsch, ma el quinta da savair preschentar il concept dal nov hotel ed in investider la fin da quest onn.
Duas chaussa audan tar il project da l’hotel sin il plaz da ballape da Vella. Quai èn ina giada l’architect da renum David Chipperfield, che è tenor Rolf Traxler anc adina da la partida. La secunda chaussa èn il plaz da ballape ed il stan da sajettar dals chatschaders, che vegnan disfatgs e bajegiads nov el plaun da Degen.
Cun la fusiun da la Lumnezia daventia la realisaziun da quest barat cun ils sportists in zic pli simpla, manegia Duri Blumenthal, il president da la vischnanca Lumnezia. Ussa na saja i betg pli da contractar cun duas vischnancas. Ussa vegnia decidì mo en in gremi, e quai fetschia pli simpel la chaussa.
RR Actualitad bunura 06:00