Siglir tar il cuntegn

Surselva Hotel La Siala vegn renovà

Per radund 2.6 milliuns vegn l'hotel La Siala a Falera renovà. Suenter ina lunga fasa nua ch'i n'era betg cler co ch'il futur dal sulet hotel a Falera vesa ora, è il plan uss sin maisa.

Armin Casutt avant il hotel.
Legenda: Armin Casutt è co-possessur da l'hotel La Siala a Falera. RTR/Orlando Cadonau

L'onn 2013 han ils quatter possessurs, da l'hotel La Siala, Armin Casutt, Gion Candreja, Roland Anderegg e Max Bachofen, preschentà in project d’engrondiment. Ditg han ins alura udì nagut da quest project pli.

Uss, quatter onns pli tard ha Armin Casutt communitgà che quest project sto far plaz. E quai ad ina renovaziun, ch’e pervia da la vegliadetgna da l'hotel gia daditg necessaria.

Il temp curra

Tar il project dal 2013 eran previs dus blocs cun chombras, sper l'hotel existent. E cun dapli chombras vulevan ils possessurs cuntanscher ina meglra rendita. Quest project n'è anc betg scrit giu. Igl è pussaivel che quel vegn anc realisà en il futur. Dentant, sche quests dus blocs na vegnan betg bajegiads ils proxims diesch onns, tutga la parcella da bajegiar puspè a l’agricultura.

Ord l'archiv: