Sco che la Südostschweiz rapporta, ha il pledader da medias da Remo Stoffel, Peter Hartmeier, communitgà che l'hotel existent saja avanzà ad in hotel en la categoria da 5 stailas. L'hotel «7132» che dat architectonicamain en egl, pledenta plitost persunas interessadas a l'art ed a la cultura. Totalmain han ins investì var 60 milliuns francs, da quai sulet 20 milliuns questa primavaira.
Era contribuì da cuntanscher questa 5avla staila ha la cuschina cun lur topcuschinier Sven Wassmer. Wassmer tutga tar ils megliers cuschiniers da la Svizra.
Cun questas investiziuns tutga l'hotel «7132» ussa tar la gruppa pli pitschna «top hotel da 5 stailas». Tenor «hotelsuisse» datti en l'entir chantun Grischun be 62 hotels che tutgan en questa categoria ed en l'entira Svizra èn quai 343 hotels.
La gronda part dals giasts plitost giuvens da l'hotel «7132» èn da l'exteriur.