L'onn 1965 ha ella surpiglià il post da provediment dal chantun, oz è quai il servetsch social regiunal Surselva. Durant ina gronda part da sia vita è Hildegard Tönz s'engaschada per l'agid da famiglia ed il svilup dals servetschs da la tgira ambulanta da spitex. Dal 1982 enfin tar sia pensiun l'onn 1987 ha ella manà la Pro Senectute dal Grischun e Tönz è era stada confundatura da la Pro Surselva.
Emprima commembra d'onur grischuna da Avenir Social
L'onn 2006 è ella vegnida numnada sco emprima persuna grischuna insumma, commembra d'onur dad Avenir Social, l’uniun tetgala da las instituziuns e furmaziuns socialas en Svizra.
RR novitads 10:00 / actualitad 12:00