Siglir tar il cuntegn

Header

cuntegn

Surselva Grond success per l’Opera Viva a Sursaissa

Da quai da 5'200 aspectaturas ed aspectaturs èn stads a guardar e tadlar l’opera Carmen en la tenda a Meierhof/Sursaissa. Vul dir: 93% dals bigliets èn vegnids vendids. 9 giadas è questa opera vegnida preschentada.

I saja stà fantastic, di il manader da project tar l’opera viva Roman Benker. Mo l’opera Nabucco haja gì anc pli blers aspectaturs che Carmen da Georges Bizet. Contribuì al success hajan betg mo il dirigent Gion Gieri Tuor ed il reschissur Andrea Zogg cun sia inscenaziun impressiunanta, mabain era ils solists, l’orchester, il chor, ils voluntaris ed ils sponsurs.

600 giasts als concerts

Sco Roman Benker di enavant hajan era da quai da 200 persunas laschà gustar mintgamai la tschaina avant las producziuns. Ultra da quai han ca. 600 giasts visità ils trais concerts cun la filarmonia opera viva en la scrinaria. Là han els dà cumposiziuns da Beethoven e «Tre poeme per orchestra» dal cumponist grischun Gion Antoni Derungs.

La tenda a Meierhof
Legenda: La tenda a Meierhof RTR, Linus Livers

Era Gion Gieri Tuor è fitg cuntent

Betg mo il comité d’organisaziun, er il dirigent e manader artistic Gion Gieri Tuor è fitg cuntent cun il resultat. Tut ils participants hajan persvadì, di el.

L’opera viva a Sursaissa datti dapi il 2006. Ed il 2020 duessi dar ina proxima opera.

RR novitads 12:00

Artitgels legids il pli savens