Siglir tar il cuntegn
cuntegn

Surselva Grond exercizi da salvament a Danis/Tavanasa

Mesemna saira ha gì lieu a Danis/Tavanasa in exercizi da salvament communabel dals pumpiers da Glion e dal center d’intervenziun Sursassiala. Simulà è vegnì in grond accident da traffic cun plirs autos. En tut èn stadas en acziun circa 50 persunas da differentas organisaziuns da salvament.

Tenor il cumandant dals pumpiers da Glion, Gion Casaulta, è quai exercizi communabel stà in dals pli gronds exercizis da salvament en il Grischun. En tut èn stadas engaschadas var 50 persunas:

  • pumpiers da las gruppas da salvament da via da Glion e Sursassiala
  • salvament da Glion e Mustér
  • Polizia chantunala
  • Guardia aviatica svizra da salvament (Rega)
  • Samaritans da Breil (sco figurants)

Simulà è vegnì in grond accident da traffic cun trais autos e tschintg blessads, trais dad els cun blessuras grevas. L’exercizi ha gì lieu sin la via chantunala tranter Mutteins e la punt da la via chantunala sur il Rain anteriur a Danis/Tavanasa.

RR novitads 20:00++