Siglir tar il cuntegn

Header

L'ospital da Glion, ina chasa cun tetg plat tranter las autras chasas el quartier da s. Clau.
Legenda: La maschaida da giuvens e vegls garantescha l'existenza dal ospital. RTR, L. Livers
cuntegn

Surselva Grischun 2030 - Sche la populaziun va enavos, patescha l’ospital

Co vesa il Grischun ora l'onn 2030, e quai ord vista da l'ospital regiunal Surselva. Segir giogan qua las naschientschas ina rolla impurtanta.

Ils davos onns èn mintgamai var 170 uffants naschids en l’ospital da Glion. Quella cifra è quasi stabila. Ella è dentant era dependenta da las plazzas da lavur en Surselva, pia da l’economia.

Sin quellas 170 naschientschas l’onn passà èn pli che 30 uffants da geniturs da l'exteriur. Quai è la situaziun che l’economia influenzescha il pli fitg. Igl è ina cifra pitschna manegia Urs Kellenberger, il directur da l'ospital regiunal Surselva, ma ella ha mussà ina clera tendenza a l’augment ils davos onns, quai che savess spert midar.

Insatge ch'è gia dapi onns stabil en Surselva èn ils mortoris. I moran circa 260 persunas ad onn. Pia 100 dapli che naschientschas. Quai munta, che la populaziun vegn pli e pli veglia. La demografia mussa, che la populaziun en Surselva sa reducescha.