Graffitis legals da giuventetgna Cadi

Emprender da far graffitis e quai tut legal, quai ha l'organisaziun Giuventetgna Cadi purschì a giuvens e giuvnas.

Sin in mir nair en nums designs cors e palmas fatg cun cuppas da sprayer

Legenda da maletgs: Las emprimas emprovas da far graffiti RTR, L. Livers

A Sedrun èn els s’entupads ed han decorà l’entrada da lur local da giuventetgna, la Talina.

In giuven ed ina giuvna dattan colur grischa ad ina paraid

Legenda da maletgs: Uschia vegn la paraid preparada per far ils graffitis RTR, L. Livers

Avant che cumenzar a far graffitis ston ins tschertga in mir nua ch'ins po far graffitis.Natiralmain dovri era ina lubientscha da far in graffitis sin quai mir ch'ins ha chattà.Gabriela Cabalzar la manadra da Giuventetgna Cadi ha las lubientschas per decorar l’entrada da la Talina sut la chasa communala a Sedrun. Var 10 participantas e participants en sa mess a la lavur. Sco emprim hai gì num dar si ina colur fundamentala sin ils mirs. Suenter ha Florian Merchi, in artist da graffitis, mussà co duvrar la cuppas da spray, cun ses tips e trics èn la Giuventetgna Cadi sa messa a la lavur.

Ina matta dissegna ina palma

Legenda da maletgs: Mintga cumenzament è grev. RTR, L. Livers

Il resultat è sco la manadra da Giuventetgna Cadi Gabriela Cabalzar di, betg uschè impurtant surtut sto el plaschair als creaders e na betg als creschids.