Siglir tar il cuntegn
cuntegn

Surselva Golf Sagogn Schluein en la miseria

La Golf Sagogn Schluein SA dovra sustegn finanzial. Quai sustegn duai vegnir dal turissem e da las vischnancas.

persuna che dat golf sin il plaz da golf a Sagogn
Legenda: La Golf Schluein Sagogn SA ha fastidis finanzials. ANR, A. Beeli

Il quint è spert fatgs i manca mintga onn 400'000 francs en cassa da la Golf Sagogn Schluein SA. Sco quai che Leo Cathomas, il president dal cussegl d'administraziun e president dal club da Golf di, possian els recaltgar cun atgnas activitads la mesadad. 200'000 ad onn e quai per ils proxims 5 onns han els dumandà da las vischnancas da Flem, Laax, Falera, Sagogn e Schluein e da l'uniun turistica Flem Laax Falera.

La mesadad, numnadamain 100'000 francs dal sustegn, vegn da l'organisaziun turistica da Flem Laax Falera.

50’000 francs dattan mintgamai las vischnancas da Flem, Laax e Falera. Mintgamai 25’000 francs duain las vischnanca da Sagogn e Schluein dar. Igl è decisiv che las vischnancas da Sagogn e Schluein dettian lur cumpart per la plazza da Golf perquai che l'organisaziun turistica da Flem Laax Falera fa dependent la summa ch'ella dat, dal sustegniment che las vischnancas da Sagogn e Schluein dattan.

Sco quai che Cathomas di, na veglian els betg daners dal maun public quai sustegniment duai vegnir ord la cassa dal turissem.