Siglir tar il cuntegn

Header

cuntegn

Surselva Glisch verda per «Pleiv Sumvitg»

Las radunanzas generalas da las trais plaivs da Rabius, Sumvitg-Cumpadials e Surrein han decidì da fusiunar.

Las decisiuns èn crudadas en tuttas trais plaivs unanim. Sco il coordinatur da la fusiun Armin Candinas ha ditg a Radiotelevisiun Svizra Rumantscha haja quai dà nagina discussiun. Raschun principala per la fusiun è che la Baselgia chantunala dat damain daners a las plaivs.

Fusiun duai ir en vigur il 2017

Per la fusiun retschaiva la nova plaiv ina contribuziun unica da 430’000 francs da la Baselgia chantunala. Silsuenter 137’000 per onn. L’atun 2016 è la radunanza generala constitutiva. Alura vegn elegì la nova suprastanza da la Plaiv Sumvitg ed ils preschents ston era approvar la constituziun, leschas e reglaments. La fusiun duai ir en vigur cun l’entschatta da 2017.

RR novitads 11:00

Artitgels legids il pli savens