Siglir tar il cuntegn

Header

video
Glisch sustegna la tgira da persunas attempadas
Or da Telesguard dals 09.02.2016.
laschar ir. Durada: 2 minutas 17 Secundas.
cuntegn

Surselva Glisch che fa bain als cussedents da la Casa sogn Giusep

La glisch ha in’influenza sin ils umans – e da quai vulan ils manaders da la chasa da tgira e da vegls sogn Giusep a Cumpadials profitar.

Ina da las manadras da la tgira, Esther Appenzeller, è vegnida confruntada cun in concept da glisch en ina chasa per persunas dementas en la Bassa. Ella haja vis il resultat e decidì da laschar installar talas chazzolas en la Casa sogn Giusep.

audio
Saira: Glisch che fa bain als cussadents a Cumpadials
ord Actualitad dals 09.02.2016.
laschar ir. Durada: 2 minutas 46 Secundas.

Colur fraida da mezdi

Las chazzolas funcziuneschan tenor in program da basa che va automaticamain: La damaun èsi cler, ma fin mezdi vegni anc pli cler e pli fraid (colur blaua) e la saira saja la glisch puspè pli chauda (colur cotschna).

Ins po dentant era variar, per exempel sch’ils cussedents èn malruassaivels, sco la tgirunza Nanetta Bisquolm ha declerà ad RTR. Ella ed era ils cussedents hajan fatg experientschas positivas cun questa glisch. Ins saja pli alerta e pli motivà da lavurar.

La tgirunza Nanetta Bisquolm.
Legenda: La tgirunza Nanetta Bisquolm. RTR, H. Giger

30'000 francs

Fin uss vegn quest concept da glisch duvrà pir en ina partiziun. La finamira fiss d’installar las chazzolas en tut las partiziuns, di Esther Appenzeller. Ma quai saja ina dumonda finanziala. Las emprimas installaziuns hajan custà 30'000 francs.

Artitgels legids il pli savens