Siglir tar il cuntegn
Inhalt

Surselva Glion/Schluein: Betg cler tgi ch'aveva avert e tgi betg

Propi fullas da glieud n'hai betg gì, plitost service che gronda fatschenta.

Il parcadi strusch occupads.
Legenda: Il parcadi dal center da cumpra a Schluein: ils 24 da december enturn mezdi. RTR, Linus Livers

Il pli impurtant en curt

  • Betg tuttas butias han gì avert
  • E betg tuttas butias han gì avert las medemas uras
  • Glion e forsa betg il classic lieu per avair avert las butias la dumengia

En la citad da Glion avevan be duas butias avert. En il center da cumpra a Schluein eran quai trais butias ch'aveva avert. A Schluein eran las butias avert davent da las 9:00 fin las 14:00. A Glion èsi stà avert davent da las 12:00 fin las 17:00.

Sco quai ch'igl è stà d'udir da pliras varts ha quai irrità la clientella e perfin ils manaders da fatschentas. Jean Claude Zimermann da la «Stadt-Metzg Ilanz» ha manegià, che la vendita da la dumengia saja attractiva be sche tut las fatschentas hajan avert. Uschia sco questa dumengia saja quai plitost in servetsch a la clientella e nagina fatschenta.

En vista als parcadis mal occupads èn pliras persunas sa dumandadas sche la citad da Glion dovra insumma questas dumengias cun butias avertas. Ils lieus da turissem sco Laax e Flem han quai gia daditg e là para quai era da funcziunar.

RR novitads 17:00