La revisiun parziala da la planisaziun locala da Glion sto vegnir fatga pervia dal project d’ina residenza d’attempads cun abitaziuns per seniors e center da sanadad da la Nocasa SA. Il project lascha dentant era averta l’opziun da realisar abitaziuns normalas e d’avrir fatschentas sin l’areal. Tenor il chantun n’è quai betg pussibel en ina zona d’edifizis publics sco la zona enturn l’ospital. Sch’il project duai vegnir realisà sco planisà, sto Glion midar la zona en ina zona speziala.
Cun deliberar la revisiun parziala da la planisaziun locala per mauns da la votaziun dal pievel dat il parlament da Glion glisch verda per il project da la Nocasa SA. Decisiva è dentant la votaziun dal pievel dals 21 da matg.
RR novitads 12:00