Siglir tar il cuntegn
cuntegn

Surselva Glion: Revisiun parziala da la planisaziun locala sut tetg

Il suveran da la vischnanca da Glion ha approvà la revisiun parziala da la planisaziun locala cun 985 gea encunter 211 na.

In bajetg da 13 auzadas sper igl ospital e la claustra veglia existenta.
Legenda: Cun il gea dat oz èsi pussaivel da construir la residenza da seniors. (Visualisaziun) mad

Il resultat è in cler signal per il svilup en il quartier da l'ospital da Glion. Cun 985 cunter 211 vuschs sustegna il suveran la revisiun da la planisaziun locala.

Entschiet aveva quai gia l'onn 2012 cun in plan d’areal ch'è la finala betg stà il dretg med per sviluppar il quartier. Ils uffizis chantunals sco era la protecziun da la patria èn s’engaschads, uschia che la vischnanca da Glion è la finala sa decidida da far ina revisiun parziala da la planisaziun locala.

Ussa èsi pussaivel da far vinavant cun il project da la Firma Nocasa SA che vul construir sin quest areal ina residenza da seniors cun 13 auzadas, gist dasperas – en l’anteriura claustra – duai quai dar ina chasa da medis. Quels plans pon ussa vegnir concretisads cun la revisiun parziala da la planisaziun locala.

RR novitads 14:00