Siglir tar il cuntegn
cuntegn

Surselva Glion quinta il 2016 cun in deficit d'in mez milliun francs

Il parlament da Glion ha approvà la mesemna a Castrisch il preventiv dal 2016. Quel prevesa in deficit da 500'000 francs tar entradas da 30 milliuns francs. Da discuttar a la sesida dal parlament da Glion ha dà il fatg ch'i na saja betg pussaivel da far las amortisaziuns necessarias.

Glion Castrisch sesida
Legenda: Il parlament da Glion en sia sesida a Castrisch Il parlament da Glion en sia sesida a Castrisch. Debattà vegn il budget per il 2016. RTR/ll

Il pe da taglia da la vischnanca resta tar 100 % da la taglia simpla chantunala. Ina proposta d'auzar il pe da taglia è vegnida refusada da la maioritad dals preschents.

Novitads RR 22.00