Siglir tar il cuntegn
cuntegn

Surselva Glion: Ospital resta basa da sport medicinala da Swiss Olimpic

Swiss olimpic dat danovamain a l’ospital regiunal Surselva a Glion il certificat sco basa da sport medicinala da Swiss Olimpic. Quai communitgescha l’ospital a Glion.

Entgins purtrets da röntgen.
Legenda: Dad A fin Z - Swiss Olimpic renovescha il certificat per lavur professiunala a favur da la sanadad da sportistas e sportists. RTR

Dapi il schaner avant dus onns posseda il Spital regiunal Surselva questa distincziun. Dapi lura auda l’ospital tar in dals paucs ospitals en il Grischun cun questa certificaziun da Swiss Olimpic.

La distincziun signifitga, ch’il ospital tutga tar ils emprims posts da consultaziuns per la tgira professiunala en tut las dumondas da la medicina da sport. Quai per tut las uniuns, ch’èn colliadas cun Swiss Olimpic. L’ospital porschia a tut ils sportists, independentamain, sch’els èn atlets professiunals u betg, ina tgira cumplessiva e professiunala dad A fin Z, scriva il Spital regiunal en sia communicaziun.

RR novitads 17:00