Glion: fundà uniun per archiv cultural

A Glion è vegnida fundada mesemna saira l'Uniun Archiv Cultural Foppa e conturn.

Gion-Duri Gisler, Jan-Andrea Bernhard (president), Luregn Caspescha, Augustin Beeli

Legenda da maletgs: Emprima suprastanza: Gion-Duri Gisler, Jan-Andrea Bernhard (president), Luregn Caspescha, Augustin Beeli. mad

L'intent principal da l'uniun è da conservar documents, scrittiras, fotografias etc. che pertutgan la vita e cultura en la regiun. Sco lieu da deposit metta la vischnanca da Glion a disposiziun in local a Rueun. Emprim president da l'uniun è l'istoricher e plevon Jan-Andrea Bernhard. Durant scriver ensemen cun Hans Caprez la cronica «Castrisch en historia e preschientscha» ha Jan-Andrea Bernhard constatà che bler material è gia vegnì dismess. I na saja prest betg pussaivel da retschertgar l’istorgia dad uniuns, sche protocols etc. manchian u sajan ids a perder. Cun l'Uniun Archiv Cultural Foppa e conturn veglian ins serrar questa lucca. Uschia na vesian els era betg l’uniun sco ina concurrenza al Museum Regiunal Surselva.