Siglir tar il cuntegn
Inhalt

Surselva Glion examinescha las structuras communalas

Il parlament da Glion ha incumbensà l'executiva d'analisar la situaziun e da preschentar en spezial ils avantatgs e dischavantatgs da las structuras actualas.

Glion or da l'aria.
Legenda: Glion piglia sut la marella las structuras communalas. Keystone

Glion piglia sut la marella sias structuras communalas e vesa diversas pussaivladads d'adattar questas, tant tar l'executiva sco er tar la legislativa. Il rapport da la suprastanza communala è avant maun, uss sto il parlament sa fatschentar cun la dumonda, quai rapporta il Bündner Tagblatt.

Il parlament da Glion ha incumbensà l'executiva d'analisar la situaziun e da preschentar en spezial ils avantatgs e disavantatgs da las structuras actualas. Tenor il rapport ch'è uss pront, èn pliras vias pussaivlas per exempel puspè radunanzas communalas enstagl dal parlament ubain in'executiva da pliras persunas, sumegliant sco il cussegl da la citad a Cuira.

RR novitads 07:00