Siglir tar il cuntegn

Surselva Glion è deliberà dal traffic da transit

Suenter in temp da construcziun da circa quatter onns è il sviament da Glion vegnì surdà al traffic en il rom d'ina festa d'avertura. Il nov sviament distgargia Glion dal traffic da transit e deliberescha il center da la citad da situaziuns da traffic dischagreablas.

Enfin ussa hai dà divers pleds d’avertura, e la punt dal sviament è vegnida benedida. L’onur d’esser stà l'emprim che po passar il nov sviament ha gì il cusseglier naziunal Martin Candinas.

Il viadi ha el fatg cun in vehichel spezial, cun in tractor, in MF130. Quel è vegnì construì a Paris ed ha quest onn exact 50 onns. Sco quai che Martinas Candinas ha ditg ad RTR, saja quai ina gronda onur, da pudair passar sco emprim il nov sviament cun ils amis da tractors vegls.

Mez uschè blers autos tras Glion

Il nov sviament cun ina lunghezza da var 700 meters al vest da Glion serva d'ina vart sco access a la part sid da la citad e facilitescha da l'autra vart il viadi en las regiuns turisticas Val S. Pieder, Lumnezia e Sursaissa.

Las duas rundellas ch'èn vegnidas construidas per la via sursilvana e per la via da la Lumnezia permettan – ensemen cun la punt dal Rain «Glion vest» che ha ina lunghezza da 267 meters – ina reducziun previsibla dal traffic quotidian en media a Glion da ca. 9400 sin 4600 vehichels. Las colonnas davant la barriera dal tren vegnan en il futur a daventar pli curtas. Il project ha custà var 26 milliuns francs.

Cumparegliaziun dal maletgs

Stuschar reglader a sanester Stuschar reglader a dretg
Legenda:Punt guntgida Glion

Avant l'avertura dal sviament traversan mitgadi bun 9'400 autos la citad ...

Legende: Video Traffic tras Glion avant l'avertura dal sviament abspielen. Laufzeit 00:36 Minuten.
Or da RTR dals 09.08.2016.