Siglir tar il cuntegn

Header

cuntegn

Surselva Glion: Dus locataris per l’anteriura Landi

En il bajetg da l’Uniun purila Surselva vegnan la Ilanz Keramik e la Swiss River Adventures. Ordavant sto dentant vegnir renovà per CHF 200‘000.-.

audio
Novs locataris per l'uniun purila a Glion
ord Actualitad dals 27.08.2016.
laschar ir. Durada: 2 minutas 41 Secundas.

Sco successuras da la Landi vegnan las duas interpresas Ilanz Keramik e Swiss River Adventures a sa chasar en il bajetg sper il plaz fiera a Glion. La possessura dal bajetg, l’Uniun purila Surselva, sto l’emprim dentant renovar il bajetg per CHF 200’000. Il credit per far las lavurs necessarias ha la radunanza generala deliberà senza cuntravusch. Planisà è da far las lavurs da renovaziun durant l’enviern per che ils novs locataris sappian retrair ils locals entschatta mars 2017.

Biros e magasins

Sco il president da l’Uniun purila Surselva, Curdin Capeder, ha declerà, vegnia cunzunt l’emprim plaun renovà. I dovria ina nova isolaziun, pliras stanzas da seduta e d’instrucziun sco era pliras tualettas supplementaras. Quai cunzunt per la Swiss River Adventures, ina interpresa ch’organisescha viadis cun bartgas da gumma tras la Ruinaulta. Ella stoppia avair avunda plaz per gruppas fin 100 persunas. Las localitads da las duas interpresas vegnian separadas cumplettamain cun mirs, quai ton en l’emprim plaun sco era en il plaunterren. Là vegnian installads magasins e lavuratoris.

Artitgels legids il pli savens